-Advertisement-
-Advertisement-

FASAHAR eSIM (embedded-SUBSCRIBER IDENTIFICATION MODULES) GA MASU AMFANI DA MTN.

Hukumar kula fannin sadarwa ta kasa wato NCC ta baiwa layin sadarwa na MTN damar gwajin fasahar eSIM a Nigeria wanda na tabbatar diyawa mutanen mu basu ankara dashi ba ko kuma ince basu santaba.



    Yadda ake saita eSim, Bayani Akan esim, Menene esim, How to setup ESIM on My Phone
    How to setup eSIM on My Phone

    INSHA ALLAHU a wannan rubutu zanyi bayanin menene eSIM da kuma yadda ake amfani da ita da alfanunta. 

    MENENE eSIM? 

    Bayani akan eSIM, Cikakkiyar ma'anar kalmar eSIM a turance na nufin "embedded Subcriber Identification Modules" ko kuma a takaice "embedded SIM" fasaha ce ta amfani da layin waya a cikin wayarka/ki batare da layin waya na zahiri da mukasani ba "Physical SIM card", wannan eSIM din yana zuwa acikin waya ma'ana "inbuilt ne ko ince jikin wayar" acikin duk wayar da ke iya daukarsa ko kuma wayar da ke da fasahar. 

    Tamkar manhaja ne ma'ana application yake amma zaka iyayin duk wani abinda kake gudanarwa da layin ka na zahiri ba tare da wani matsala ba. 

    Wannan fasahar dai anfara gabatar da itane a shekarar 2016 kuma tuni kamfanonin waya da kasashe sun fara amfani da wannan fasahar ta eSIM, sai dai mu anan Nigeria sai yanzu ne hukumar sadarwa ta baiwa kamfanin layin sadarwa na MTN damar gwajin wannan fasahar. 

    MTN zatayi gwajin wannan fasahar har shekara daya kuma duk wanda yake sa wayar dake dauke da fasahar zai iya cin moriyar wannan fasahar cikin sauki. 


    MENENE Amfanin wannan eSIM din? 

    1- Za'a iya amfani da lambar waya samada daya a wayar ba tare da SIM card ba na zahiri, misali idan anaso ace lambar wayar mutum na gida daban na kasuwanci daban wannan zaiyu cikin sauki da fasahar eSIM.

    2- Baka/kya bukatan/tar damuwa jirewa ko faduwar SIM domin wannan a jikin wayar yake. 

    3- Ana iya canza operator (kamfanin sadarwa) ba tare neman layin kafanin ba, misali da fasahar eSIM za'a iya amfani da MTN, AIRTEL, ETISALAT ko Glo duka a cikin wayar ba tare da an nemo layukansu ba. 

    Wannan zai taimaka ga mai yawan bulaguro ko da anje inda babu daya layin babu bukatar sai an nemo layin kawai za'a kara ne akan layin da ake dashi ada.

    Ma'ana dai yau in kacanza shawarar baka/kya son amfani da MTN take za'a iya tsallakawa wasu layukan. wadannan sune kadan daga cikin amfanin layin eSIM. 

    SHIN TAYAYA ZANCI MORIYAR eSIM na MTN? 

    A yanzu dai a duka kamfanonin sadarwa da muke dashi a Nigeria kamfanin MTN ne kadai yake da damar gwajin wannan fasahar sai dai ba kowane waya bane ke da halin cin moriyar wannan fasahar dan haka ga duk mai daya daga cikin wayoyin nan kuma yanada bukatar gwada fasahar zai iya garzayawa zuwa dukkan MTN office dake kusa dashi ga wayoyin kamar haka.

    Wayoyin Da Za'a Iya Saita Esim

    1. Google Pixel 3, Pixel 3 XL 
    2. Google Pixel 4, Pixel 4 XL 
    3. iPhone 11, iPhone 11 Pro, iPhone 11 Pro Max 
    4. iPhone XS, iPhone XS Max, iPhone XR
    5. Samsung S20 Series 


    WASU TAMBAYOYI DA KILA MAI KARATU ZAIYI.

    YADDA AKE SAITA eSIM.


    Q: Tayaya Zan daura sannan nayi amfani da eSIM? 
    A: Domin daurawa tare da amfani da eSIM ana bukatar ziyartar ofishin MTN mafi kusa anan za'a baiwa mutun QR Code da zaiyi scanning a wanann wayar da keson amfani da eSIM sannan ya sauke (downloading) profile dinsa/ta. 

    Q: Shin zan iya amfani da eSIM profile dina sau samada daya ko kuma wayoyi biyu?
    A: A'a kowane waya zai dauki profile dinsa guda ne dan matukar ana ayi amfani da profile din eSIM a wata wayar daban ba wacca akayi activating da farko ba dole sai ansauke profile din akan wancan ta farkon kan a daurawa wannan din. 

    Q: Inada wayar da ke iya daukar eSIM, tayaya zan samu PUK da Serial Number na SIM? 
    A: Bayan anyi scanning din QR Code da nafada a farko za'a baiwa mutun slip ko ince sabon SIM PACK dake dauke dukkan wani abu game da eSIM din kamar SIM din zahiri a jiki za'a PUK, Serial Number da sauransu.

    Q: Shin Ina bukatar data dan na sauke profile dina na eSIM?
    A: Eh, bayan anyi scanning na QR Code din dole ana bukatar sauke profile dan haka saida damar shiga yanar gida wato (Intenet Connection) 

    Q: Me zaifaru ina na jefar ko kuma wani abu yafaru da QR code dina? 
    A: Ana ziyartar ofishin MTN mafi kusa a kowane lokaci domin sake karban QR code, kawai dai za'abi hanyoyin tabbatar musu eh eSIM din naka/ki ne. 

    Q: Nagoda sauke eSIM profile dina/ta amma yaki? 
    A: Idan aka fuskanci wannan matsalar a duba daya daga cikin hayoyin nan :- 
    • A fara dubawa ko anriga an sauke profile din akan wayar (Zai iya hanashi sake downloading) 
    • A duba ko anriga anyi activating eSIM din akan wayar 
    • A tabbatar wayar nada damar shiga yanar gizo (Intenet Connection) .

    Q: Shin sai na biya wani kan a daura mun eSIM? 
    A: Kamfanin sadarwa MTN tace daura eSIM kyauta ne. 

    Q: Shin tayaya zan canza eSIM dina daga wannan wayar zuwa wancan wato (eSIM swap)? 
    A: Hanyoyin duk daya suke da SIM swap na zahiri kawai ana bukatar sake downloading din eSIM profile dinne akan wanan sabon wayar da akeso a daura. 

    Q: Shin zanyi rejistan eSIM dina ne? 
    A: Eh, dole sai anyi rejista kuma hanyoyin rajistan duk daya yake da SIM na zahiri da muke amfani dashi yanzu kuma da zaran ankammala za'a baiwa mutun SIM PACK mai dauke PUK da lambar nasa (sabon lamba ne matukar swapping akaiba). 

    Q: Shin ina iya maida lambar layina na zahiri yakoma lambar eSIM? 
    A: Eh ana iya maidawa kawai aje ofishin MTN mafi kusa. 

    Q: Shin bayan na canza lambar layina na zahiri yakoma eSIM zan iya dawowa dashi? 
    A: Ana iya dawowa dashi kuma duka hanyar dayane da SIM Swap. 

    Q: Tayaya zan tabbatar eSIM yahau kan wayana? 
    A: Da zaran yahau za'a ga alamar yahau a saman wayar. 

    Q: Wace hanya zanbi dan nadaura eSIM profile dina akan iPhone dina ko Google Pixel? 
    A: Ga masu iPhone: * Da farko a tabbatar an karbo QR code din a ofishin MTN sai aje Settings > Cellular > add a cellular plan  Sai ayi scanning QR code din saura a karasar a ofishin.
    A: Ga masu Google Pixel 3:  A shiga Settings sai aje "Network & Intenet"  A zabi "Mobile Network"  Adanna "Advanced" sai a zabi "Carrier" sai a sake zaban "Add Carrier". Sai ayi scanning din QR code din Shikenan Mai tambaya zai iyayi a comment box.

    RUBUTAWA
    Muhammad Baba Goni (Royalmaster)