Gara na lashe kofin La Liga akan na lashe kyautar Pichichi sau takwas>>Messi

A ranar litinin Messi aka baiwa Lionel Messi kyautar Pichichi karo na bakwai wanda hakan yasa yanzu ya wuce Telmo Zarra ya zamo dan wasan da yafi lashe kyautar a tarihi, amma duk da hakan dan wasa ya bayyana cewa yafi fifita lashe kofin La Liga akan kyautar.

Pichichi kyauta ce wadda aka baiwa dan wasan daya fi zira kwallaye masu yawa a  kowace kaka ta gasar La Liga, kuma Messi da Ronaldo sun dauki tsawon shekaru suna fafataea wurin lashe kyautar kafin Ronaldo ya koma Serie A shekara ta 2018.

Bayan Messi ya lashe kyautar, ya tattauna da Marca kuma ya bayyana masu cewa bai san ko zai lashe kyautar karo na 8 ba, sannan shi baya tunani akan hakan saboda kyautar bata dame shi ba, hasalima yafi fifita lashe kofin gasar La Liga akan kyautar Pichichi.

A karshe Messi ya kara da cewa Barcelona tana shan gwagwarmaya a wannan kakar, kuma basu cancanci barar da maki tsakanin su da Alaves da Getafe da kuma Real Madrid ba, amma zasu yi kokari cin wasanni masu yawa a jere domin su koma saman teburin gasar La Liga.